domingo, 22 de diciembre de 2013

Celta - Osasuna (A Previa)

Estadio Municipal de Balaídos (21:00) | Celta e Osasuna pechan hoxe o ano futbolístico en Balaídos coas urxencias dos equipos que se atopan na zona mais baixa da clasificación.

O Celta busca convertir novamente Balaídos no seu fortín, e unha vitoria a convertiría na segunda vitoria consecutiva en Vigo, convertiendo o mal resultado de Bilbao (no que caiu fronte ó Athletic Club cun contundente 4-0, na volta de Copa) nunha anécdota para os de Luis Enrique.

Mentres, o Osasuna, que ten un punto menos co Celta, busca unha vitoria en Vigo que faga boa a tendencia iniciada no Santiago Bernabéu, na que foi quen de empatar a dous goles fronte ó todopoderoso Real Madrid de Cristiano Ronaldo.

Antecedentes:

Con todo, os antecedentes están co Celta en canto a enfrontamentos entre celestes e vermellóns. Dun total de 18 enfrontamentos entre ámbolos dous conxuntos en Balaídos, a vitoria para os de Vigo caeu en 13 ocasións, con 4 empates e só unha victoria para os de Pamplona. O Celta anotou 27 goles nestes enfrontamentos, por só 7 do Osasuna. A vitoria mais avultada para o Celta foi na tempada 1993/94, na xornada 37, na que venceu por catro goles a cero.

Convocatorias:

O Celta perde para este partido a Charles, expulsado con dobre cartón en Valladolid o pasado luns ó que Apelación lle confirmou a sanción, e Hugo Mallo, quen cumple ciclo de cartóns. Con isto, Luis Enrique convocou ós seguintes xogadores: Yoel e Sergio; Fontàs, Aurtenetxe, Jonny, Toni, Cabral e David Costas; Borja Oubiña, Álex López, Rafinha, Madinda, Krohn-Dehli e Augusto; Bermejo, Nolito, Orellana e Santi Mina.

Mentres, o Osasuna de Javi Gracia, quen colleu ó conxunto navarro na 4ª xornada e ó que hai que prestarlle atención a Oriol Riera, con pasado celtiña, viaxou a Vigo cos seguintes xogadores: Riesgo e Andrés Fernández; Marc Bertrán, Miguel Flaño, Echaide, Satrústegui, Lotiès, Oier e Damiá; Lolo, Armenteros, Puñal, Cejudo, Roberto Torres, Raúl Loé e José García; Manu Onwu e Oriol Riera.

Arbitrará Delgado Ferreiro do colexio biscaino, que é primeira vez que pita en Vigo, pero que nas cinco ocasións en que pitou ó Celta, catro foron vitorias para os celestes.


Podes acompañar a PREFERENCIA CELESTE na previa que faremos desde as 19:00 (CAFETERÍA LAS GRADAS, Avda Fragoso, 92, fronte ó Estadio -Mapa-).

E como sempre, o de sempre! Ala Celta!

Sorteo bufandas da lotería de Nadal 22/12/13

Todas as persoas que mercáchedes as participacións ou décimos do Nº01923 que distribuíu a nosa peña entrades no sorteo dunha bufanda (unha bufanda para sortear entre as participacións e outra para sortear entre os décimos). O sorteo se realizará o propio 22/12/13 ás 12:00 na nosa sede, Cafetería Las Gradas, Avda Fragoso, 92, fronte ó Estadio de Balaídos -Mapa-.

Se a conexión a Internet o permite, emitiremos o sorteo online e en directo. Aquelas e aqueles que queirades acudir en persoa a presenciar o sorteo sodes convidados a facelo.

Gañadores: 
Participación Nº 136 (Que se poña en contacto por favor connosco)
Décimo Nº 02 (O gañador do décimo o notificamos persoalmente)

SORTEO EN DIRECTO:



Para o sorteo usaremos un bingo, e sacaremos primeiro unha bola para as centenas (0 ou 1 a participación N°200 quedou para a peña), logo decenas (0-9) e logo unidades (0-9). A bola N°10 fai de 0 (non hai bola 0). Primeiro sorteamos a bufanda das participacións e logo a dos décimos.

 Publicaremos nesta web os números de participación gañadores das bufandas, así como o premio que lle poida corresponder ó número que xogamos (01923).

 Un saúdo, moita sorte, e moitas gracias a quenes decidíchedes xogar á lotería de Nadal connosco.

lunes, 16 de diciembre de 2013

Real Valladolid - Celta (A Previa)

Real Valladolid - RC Celta (A Previa) | LFP
Estadio José Zorrilla (22:00) | Real Valladolid e Celta disputarán esta noite un encontro que xa é un clásico entre branquivioletas e celestes, na que os horarios televisivos impedirán un grande desembarco de siareiros vigueses na capital castelá. Unha mágoa.

Partido importantísmo para casteláns e galegos, pois os primeros buscarán sair dos postos de descenso, namentres que os vigueses buscarán afastarse ainda mais deses postos perigosos e durmir tralo partido que remata esta xornada de Liga en zona templada do taboleiro. Unha vitoria significaria para os vigueses a súa segunda vitoria consecutiva en Liga (terceira, se temos en conta a vitoria en Vigo fronte ó Athletic Club no partido de Copa).

Convocatorias:

Real Valladolid:
Mariño e Jaime; Rukavina, Alcatraz, Jesús Rueda, Marc Valiente, Peña, Bergdich e Álvaro Rubio; Rossi, Víctor Pérez, Baraja, Ebert, Larsson, Óscar e Omar; Osorio, Manucho e Javi Guerra.

Real Club Celta: Sergio e Yoel; Hugo Mallo, Fontàs, Aurtenetxe, Jonny, Cabral e David Costas; Borja Oubiña, Álex López, Rafinha, Krohn-Dehli e Augusto; Bermejo, Nolito, Charles, Orellana e Santi Mina.

Antecedentes:

Valladolid e Celta enfrontáronse anteriormente en 27 ocasións no Estadio José Zorrilla, na Liga BBVA. O Celta vencéu en 11 ocasións, mentres que o Valladolid o fixo en 10. En seis ocasións empataron pucelanos e olívicos. Valladolid conseguiu nestes enfrontamentos 39 goles, por 38 do Celta. O meirande vitoria para os vallisoletanos foi o 4-0 que conseguiu na xornada 31 da tempada 1985/86.

Arbitrará Teixeira Vitienes, que nunca lle pitou ó Celta como visitante na Liga BBVA.

Este partido é televisado en aberto. Nembargantes, podes acompañarnos na CAFETERÍA LAS GRADAS, Avda Fragoso, 92, fronte ó Estadio (Mapa).

E como sempre, o de sempre! Ala Celta!

sábado, 7 de diciembre de 2013

Celta - Athletic Club (Copa): A Previa

Athletic e Celta en San Mamés este ano | Foto: Real Club Celta
Estadio Municipal de Balaídos (20:00) | Celta e Athletic Club disputarán esta noite un interesantísimo partido de dezaseisavos de final da Copa do Rei na que se espera un bo espectáculo, ó tratarse de dous equipos ós que lles gusta "mimar" o balón. Poderíamos estar diante dun partido con goles por ámbolos dous bandos.

O Celta chega a este partido coa moral alta tras conseguir a súa primeira vitoria en Balaídos esta tempada, ó vencer ó Almería por 3-1 o pasado sábado. E Athletic chega, se cabe mais aínda, aínda mais forte, tras gañar no Novo Estadio San Mamés ó todopoderoso FC Barcelona por 1-0.

En palabras de Luis Enrique, o Celta ten o obxectivo prioritario na Liga, pero iso non impedirá presentar en Balaídos un once "competitivo". Para o Athletic, en troques, a Copa "é prioritaria" tamén en verbas do adestrador celeste, non en vano, son o segundo equipo mais laureado, tralo Barcelona.

O Celta convocou ós seguintes xogadores para este enfrontamento: Sergio e Rubén Blanco; Mallo, Vila, Bellvís, Jonny, Cabral, David Costas e Javi Rey; Álex López, Rafinha, Orellana, Madinda e Krohn-Delhi; Bermejo, Nolito, David Rodríguez e Santi Mina.

Mentres, o Athletic Club viaxou a Vigo cos seguintes xogadores: Iraizoz, Toquero, Erik Morán, San José, Beñat, Iturraspe, De Marcos, Ibai, Iago Herrerín, Susaeta, Iraola, X.Etxeita, Mikel Rico, Gurpegi, Muniain, Aduriz, Ander Herrera, Balenziaga.

Ambente de gala en Vigo, co estadio a encher, moitos desprazados desde Bilbo, aproveitando a ponte festiva e bo rollo entre ámbalas dúas afeccións.

Celta e Athletic enfrontáronse anteriormente en seis eliminatorias, nas que o Celta só pasou en unha, a última ocasión en que se veron as caras Leóns e Celtiñas, en 1964. A meirande goleada acontecida nunca en Copa, foi un 12-1 que lle endosou o Athletic en San Mamés en 1947 (Fonte: Vavel.com).

Podes acompañar a PREFERENCIA CELESTE na previa que faremos desde as 19:00 (CAFETERÍA LAS GRADAS, Avda Fragoso, 92, fronte ó Estadio -Mapa-).



Tamén podes adquirir participacións do 01.923 para a Lotaría de Nadal. Ou a nosa bufanda conmemorativa do 90 aniversario do Celta. Por só 10 €!

E como sempre, o de sempre... Ala Celta!!!

sábado, 30 de noviembre de 2013

Celta - Almería (A Previa)

A por eles!!! | Real Club Celta de Vigo
Estadio Municipal de Balaídos (18:00) | Celta e Almería disputarán esta tarde en Balaídos un interesante encontro na que ámbolos dous conxuntos buscarán afastarse mais dos postos perigosos do taboleiro clasificatorio e, no caso do Celta, buscar esa primeira vitoria en Vigo que se lle ven de resistir ós de Luis Enrique.

Igualdade case absoluta entre Celta e Almería na clasificación, con 12 puntos cada un deles, ocupando o Celta mellor posto por mor da diferenza de goles. Almería ven de encaixar 5 goles fronte ó Real Madrid no Juegos del Mediterráneo, mentres que o Celta perdeu en Anoeta por 4-3 fronte á Real Sociedad, despois de ir gañando 1-3, polo que haberá que estar pendentes en cómo afectará este resultado ós xogadores esta tarde.

Luis Enrique pediu o apoio de tódolos siareiros esta tarde, "sen ningunha dúbida". A bo seguro que non fallarán os incondicionais celestes hoxe en Balaídos. Francisco Rodríguez, entrenador do Almería, di que ambos conxuntos buscarán a vitoria hoxe en Vigo e avisa de que o Celta vailles esixir "o cento por cento".

Convocatorias:

Luis Enrique convocou ós seguintes 18 xogadores para este partido: Sergio e Yoel; Hugo Mallo, Aurtenetxe, Jonny, Toni, Cabral e David Costas; Borja Oubiña, Álex López, Rafinha, Krohn-Dehli e Augusto Fernández; Mario Bermejo, Nolito, Charles, Orellana e Santi Mina. Destacan a volta á convocatoria de Mario Bermejo e a volta de Oubiña, trala súa lesión nun dedo dun pe.

Mentres, Francisco Rodríguez vaixou a Vigo cos seguintes convocados polo Almería: Esteban e Ustari; Rafita, Nélson, Torsiglieri, Marcelo Silva, Trujillo, Raúl García e Dubarbier; Aleix Vidal, Marcos Tébar, Verza, Soriano, Azeez, Barbosa e Suso; Óscar Díaz e Dani Romera.

Antecedentes:

Almería e Celta nunca se enfrontaron na Liga BBVA. Arbitrará Ayza Gámez, quen lle pitou en dúas ocasións ó Celta como local, perdendo os vigueses ambos partidos con este árbitro.

Podes acompañar a PREFERENCIA CELESTE na previa que faremos desde as 17:00 (CAFETERÍA LAS GRADAS, Avda Fragoso, 92, fronte ó Estadio -Mapa-).



Tamén podes adquirir participacións do 01.923 para a Lotaría de Nadal. Ou a nosa bufanda conmemorativa do 90 aniversario do Celta. Por só 10 €!

E como sempre, o de sempre... Ala Celta!!!


miércoles, 27 de noviembre de 2013

Celeste Solidario: recollida de alimentos e xoguetes

A Fundación Celta de Vigo, como xa ven sendo habitual en época de Nadal, comeza a súa recollida de alimentos e xoguetes destinados para os mais desfavorecidos na bisbarra de Vigo. Será na disputa dos derradeiros tres partidos deste ano que o Celta dispute en Balaídos.

Baixo o nome de "Celeste Solidario", a Fundación Celta de Vigo recadará e destinará este ano eses xoguetes e alimentos ás seguintes organización colaboradoras: "La mano que ayuda", "Cáritas" e "A las 5".

Con esta campaña, a Fundación pretende mobilizar ó celtismo para que aporte o seu graíño de area cos mais desfavorecidos.

A recollida de xoguetes e alimentos se fará dende 3 horas antes e ata o inicio dos seguintes partidos que dispute o Celta: 
  • UD Almería: sábado 30 de novembro. 
  • Athletic de Bilbao (Copa do Rei): sábado 7 de decembro. 
  • CA Osasuna: domingo 22 de decembro. 
A recollida se fará no local da Asociación de Antigos Xogadores do Celta, nos baixos do Estadio Municipal de Balaídos. Será recollido o seguinte: xoguetes en bo estado, embutidos, conservas, lácteos, produtos para almorzo e produtos non perecedoiros.

Desde Preferencia Celeste vos animamos a todos para colaborar nesta campaña.


sábado, 23 de noviembre de 2013

Real Sociedad - Celta (A Previa)

Anoeta (18:00) | Real Sociedad e Celta enfróntanse este serán en Donosti con diferentes sensacións en Anoeta. Por unha banda, a Real, mirando os postos de arriba que lle dan a clasificación directa a Europa, mentres que o Celta mirando de reollo os postos de abaixo.

A Real busca curar as feridas polo 5-1 que lle endosou o Madrid no Bernabeu, namentres o Celta busca recuperar a confianza que tiña tralos bos resultados conquistados en Málaga e Sevilla e o bo xogo fronte ó Barcelona, pero que perdeu de súpeto hai 15 días trala dolorosa derrota en Balaídos fronte ó Rayo Vallecano (0-2).

A Real Sociedad é, para Luis Enrique, un bloque sólido e un equipo que esta a facer un bo xogo, malia os malos resultados en Champions, que o técnico do Celta achaca á mala sorte. Para Lucho, hai que ter coidado con todo o bloque, non a persoas en concreto.

Para Arrasate, técnico txuri-urdin, ó Celta hai que xogarlle dun xeito inteligente e lembra que está a xogar mellor fora da súa casa, que en Balaídos. Afirmou que non vai reservar a ninguén coa vista posta en Champions.

Convocatorias:


Arrasate convocou ós seguientes xogadores:  Claudio Bravo e Zubikarai; Joseba Zaldua, Ansotegi, Mikel González, Íñigo Martínez, José Ángel e De la Bella; Markel Bergara, Javi Ros, Rubén Pardo, Zurutuza e Xabi Prieto; Seferovic, Agirretxe. Carlos Vela, Chori Castro e Griezmann. Carlos Martínez e Gorka Elustondo están mancados, mentres que Cadamuro non entrou por decisión técnica.

Luis Enrique viaxou a San Sebastián cos seguintes 18 xogadores: Sergio e Yoel; Hugo Mallo, Fontàs, Aurtenetxe, Jonny, Toni, Cabral e David Costas; Álex López, Rafinha, Orellana, Krohn-Delhi e Augusto; Nolito, Charles, Madinda e Santi Mina. Quedan fora da lista Oubiña, que non foi quen de recuperarse do seu pé, e Samuel. Non viaxan por decisión técnica Vila, Bermejo, Bellvís e David Rodríguez.


Antecedentes:

Real Sociedad e Celta enfrontáronse en 41 ocasións en Donosti (tanto en Anoeta, como no vello Atotxa), na que os vascos gañaron 25 veces e perderon só en 4. 12 foron o número de veces que remataron en táboas, con 91 goles a favor da Real e 44 para o Celta. A vitoria mais abultada foi un 5-0 para a Real na temporada 1954-55.O Celta gañou por derradeira vez na tempada 1999-2000 por 0-2.

O árbitro asturiano Muñiz Fernández arbitrou 5 veces ó Celta como visitante, conseguindo 2 victorias e 3 derrotas neses enfrontamos.

Preferencia Celeste en Donosti con presidente Mouriño


Preferencia Celeste viaxou co Celta hasta Donosti e daralle calor nas gradas de Anoeta ós nosos. Se pudeche viaxar, tamén podes disfrutar do partido en Cafetería Las Gradas (Avda Fragoso, 92, fronte ó Estadio -Mapa-).

E como sempre, o de sempre. Ala Celta!!!

miércoles, 13 de noviembre de 2013

#HomenajeACáceres desde a nosa peña

Finalmente o resultado da recadación en beneficio a Fernando "El Negro Cáceres" non tivo a acollida que agardabamos, pero a peña, desde os seus limitados medios, quere sumarse a esta homenaxe a un grande do Celta aportando a simbólica cantidade de 50€ á "Fila 0" do encontro que se está a desputar agora mesmo entre o Real Zaragoza e un combinado de amigos do xogador en "La Romareda" en Zaragoza.

Cáceres, que militou no Celta durante 6 tempadas, e defendeu a celeste nalgúns dos mellores estadios do mundo, atópase en rehabilitación logo do brutal asalto ó que se viu sometido para roubarlle o coche e que a piques estivo de rematar coa súa vida.

Desde Preferencia Celeste queremos desexarlle o mellor a Cáceres con esa espiniña de que o noso Club non lle soubera dar a homenaxe ou o cariño que merece, como xogador, e como persoa. O que vestiu con orgullo a camiseta do Celta sempre será xogador do Celta.

Ánimo negro!

Imaxe vía MoiCeleste.com
Imaxe vía ElCorreo.com

domingo, 10 de noviembre de 2013

Colabora na homenaxe a Fernando Cáceres

Fernando Cáceres coa camisola celeste. (Foto: PA vía futboltotal.com.mx)
Os nosos compañeiros da Federación de Peñas do Real Zaragoza trasladáronnos a petición para que todos os que tivemos o privilexio de disfrutar do xogo dun grande, como é Fernando Cáceres, El Negro, lle botemos unha man, agora que está a pasar malos momentos.

Como saberedes, Cáceres foi asaltado hai catro anos nas aforas de Bos Aires para roubarlle o seu vehículo, disparado na cabeza, polo que unha bala se aloxou no seu cráneo e estivo tempo en coma entre a vida e a morte. Agora está en proceso de rehabilitación, na que tivo a mala sorte de sufrir un novo atraco na que lle levaron todos os cartos que tiña aforrados para costeala. Non lle podemos dar as costas ó Negro.

Por iso se lle vai tributar unha homenaxe no Estadio de La Romareda o vindeiro mércores 13 de novembro, ás 20:30 horas.

Pero si non podes estar ahí, aínda podes axudar. Podes mercar unha entrada para a "Fila 0", facendo un ingrso na seguinte conta de La Caixa:

2100-8627-99-0200111250

Tamén podes pasarte pola nosa sede, CAFETERÍA LAS GRADAS (Avda. Fragoso, 92, 36210 Vigo, Mapa) e depositar a túa axuda no PETO que habilitamos para axudarlle. Todo o recadado será donado íntegramente por PREFERENCIA CELESTE a Fernando Cáceres.

Aquí tes algún dos números de Cáceres no Real Club Celta (1998-2004):

Chegou procedente do Valencia CF, pagando por él 400 millóns de pesetas (2.404.048 euros), sendo unha fichaxe moi rendible para o Celta. Co Celta, El Negro disputou a Champions League, a Copa da UEFA (hoxe, Europa League). Gañou co Celta a Copa Intertoto, xogando a final co Zenit de San Petersburgo, no ano 2000 e disputou a terceira das finais da Copa do Rei, que o Celta perdeu fronte ó Zaragoza por 1-3 en Sevilla, o 30 de xuño de 2001.

Só en Primeira División disputou 18.459 minutos nun total de 197 partidos coa camisola celeste. Conseguiu 3 goles en Liga, 2 en competicións europeas, 1 en Copa e 1 nun amistoso.

Non lle deas as costas!

sábado, 9 de noviembre de 2013

Celta - Rayo Vallecano (A Previa)

Park, no partido da tempada pasada | Foto: Ricardo Grobas (Faro de Vigo)
Estadio Municipal de Balaídos (22:00) | Celta e Rayo Vallecano enfróntanse hoxe no vello Balaídos con obxectivos moi diferentes, pero con propostas de xogo moi semellantes.

O Celta busca a que sería a primeira victoria en Vigo esta tempada e darlle unha ledicia á súa afección, tralas dúas conseguidas fora da casa, diante de Málaga e Sevilla. E, de paso, afianzar a boa liña de xogo mantida nos últimos partidos xogados polos celestes.

O Rayo, mentres, busca sair do posto de pechacancelas. Unha vitoria en Vigo axudaría moito e afrontarían o novo parón ligueiro dun xeito moi diferente, sen dúbida. Este partido representará, unha vez mais, a volta á que foi a súa casa durante tres tempadas para Roberto Trashorras. Outro vigués, aínda que sen pasado celtista, nos visitará, como é Iago Falque.

Ainda que o Rayo ocupa o derradeiro lugar na táboa clasificatoria, iso non é motivo para relaxarse tanto para os xogadores do Celta, como de Luis Enrique, quen declarou gustarlle o xogo dos madrileños, que teñen gusto polo balón, ó igual que o Celta, engadindo que este equipo terminará a tempada moito mais arriba do que indican os números actuais.

Convocatorias:

Luis Enrique convocou ós seguintes 18 xogadores para o partido desta noite: Sergio e Yoel (porteiros); Hugo Mallo, Fontás, David Costas, Jonathan Vila, Jonny, Toni, Borja Oubiña, Álex López, Rafinha, Orellana, Krohn-Delhi, David Rodríguez, Nolito, Charles, Augusto e Santi Mina. Quedan fora da lista Samuel, Bermejo, Aurtenetxe e Cabral por lesión e non entran na lista Bellvís e Levy Mandida.

Mentres, o Rayo de Paco Jémez desprazou a Vigo ós seguintes xogadores:  Cobeño e Rubén (porteiros), Tito, Arbilla, Nacho, Gálvez, Rodri, Trashorras, Baena, Saúl, Embarba, Lass, Perea, Iago Falque, Bueno, Larrivey, Jonathan Viera e Mojica.

Precedentes:

Celta e Rayo Vallecano enfrontáronse anteriormente en 11 ocasións en Balaídos en Primeira División, na que o empate é o resultado mais repetido: en 5 ocasións. Igualdade tamén no número de vitorias, 3 para cada equipo. 9 goles anotou o Celta, por 8 do Rayo. O resultado mais avultado foi un 2-0 para os de Vigo na tempada 1996/97. Na tempada pasada, pola contra, foi o Rayo quen se levou a vitoria, por 0-2, no partido correspondente á xornada 30.


Arbitrará Fernando Teixeira Vitienes do Comité Cántabro, con quen nunca gañou o Celta nas tres ocasións en que lle pitou en Balaídos en Primeira División.

Podes acompañar a PREFERENCIA CELESTE na previa que faremos desde as 20:00 (CAFETERÍA LAS GRADAS, Avda Fragoso, 92, fronte ó Estadio -Mapa-).

Lembrade que hoxe é o DERRADEIRO DÍA para facela reserva e pagar a viaxe que faremos a Donosti o vindeiro venres 22 de novembro, para presenciar o Real Sociedad – Celta.


Tamén podes adquirir participacións do 01.923 para a Lotaría de Nadal. Ou a nosa bufanda conmemorativa do 90 aniversario do Celta. Por só 10 €!

Por último, indicarvos que teremos UNHA HUCHA en CAFETERÍA LAS GRADAS para que aportes o teu graniño de area para axudar a un grande, como é FERNANDO CÁCERES, El Negro, bravo defensa celeste que foi entre os anos 1998 e 2004, e a quen se lle vai render unha homenaxe en partido que se disputará o vindeiro mércores 13 de novembro en La Romareda. Todo o recadado, SERÁ DONADO ÍNTEGRAMENTE por PREFERENCIA CELESTE para costear os gastos médicos derivados da recuperación do asalto que sufriu hai catro anos en Bos Aires.

E como sempre, o de sempre. Ala Celta!!! 


jueves, 7 de noviembre de 2013

Sábado 09/11/13 último día para pagar #DonostiCeleste

Este Sábado é o último día para pagar a viaxe a #DonostiCeleste. Por favor, todos aqueles que faltades por pagar non vos despistedes e facede efectivo o pago o Venres ou o Sábado na nosa sede, Cafetería Las Gradas (Fragoso 92). Se o Sábado non está pagada a viaxe cancelaremos a vosa reserva e poremos a disposición doutras persoas eses asentos non pagados.

Os últimos días para pagar son o Venres 08/11/13 de 19:00-21:00 e o Sábado 09/11/13 de 19:00-21:30 na previa do Celta-Rayo.

Podedes ver toda a info da viaxe no post principal

Viaxa a Donosti con Preferencia Celeste

sábado, 2 de noviembre de 2013

Sevilla - Celta (A Previa)

Imaxe do Sevilla - Celta da tempada pasada | Foto: EFE
Estadio Sánchez Pizjuán (22:00) | Sevilla e Celta enfróntanse esta noite no Sánchez Pizjuán, con sendas derrotas diante de Real Madrid (7-3) e Barcelona (0-3), sen que, estas derrotas poidan collerse como referencia para o xogo de ámbolos dous conxuntos nas últimas semanas.

Os sevillanos fan un xogo netamente ofensivo, cousa que queda ben reflectida nas súas estatísticas, ocupando o posto 11º na clasificación da Liga BBVA con 20 goles a favor e 24 en contra. Lembrar que, pese á derrota no Bernabéu, foi quen de facerlle tres goles ó todopoderoso Real Madrid.

O Celta chega tamén reforzado a Sevilla, pese á derrota en Vigo fronte ó Barcelona, pois está a facer un bo xogo desde o enfrontamento no Vicente Calderón (2-1 para o Atleti) e chegaba a aquel partido tras o 0 - 5 de Málaga. Malia derrota, foi quen de xogarlle de ti a ti ó Barça de Tata Martino. Ademais, o Celta conseguiu tódalas súas vitorias en Andalucía e esta pode ser unha boa oportunidade de refrendar o bo xogo feito.

O Celta necesita unha vitoria para saír dos postos de descenso que ocupa, trala derrota do martes en Vigo. Por iso, espérase que Luis Enrique non faga moitos cambios no once que saltará esta noite no estadio hispalense.

Convocatorias:

Unai Emery, adestrador do Sevilla, convocou ós seguintes xogadores para enfrontarse ó Celta: Beto e Javi Varas (porteiros), Diogo, Coke, Alberto Moreno, Fernando Navarro, Nico Pareja, Carriço, M´Bia, Cristóforo, Rakitic, Vitolo, Perotti, Trochowski, Jairo, Rusescu, Bacca e Gameiro.

Luis Enrique, adestrador do Celta, viaxou a Sevilla levando ós seguintes 18 xogadores convocados: Yoel e Sergio (porteiros), Hugo Mallo, Fontàs, Cabral, Jonathan Vila, Toni, Jonny, Oubiña, Augusto, Álex López, Rafinha, Kronh-Delhi, Santi Mina, Orellana, David Rodríguez, Nolito e Charles. Destaca a baixa de Costas, por gastroenterite, que se suma ás de Bermejo, Samuel e Aurtenetxe. Bellvís, pese a recibir a alta médica, non entrou na lista, o mesmo que Madinda.

Os precedentes nos enfrontamentos entre Sevilla e Celta no Sánchez Pizjuán son claramente favorables ós sevillanos, pois de 41 enfrontamentos entre ámbolos dous conxuntos, 30 foron vitorias hispalenses por só 8 vitorias olívicas. Nas restantes tres ocasións saldáronse con empates. Nestes 41 partidos, o Sevilla foi quen de anotar 89 goles e recibiu do Celta 40. A vitoria mais avultada no Sánchez Pizjuán foi a 7-0 que lle endosou na xornada 15 da tempada 1955/56. A temprada pasada os sevillanos venceron por 4-1.

Arbitrará Martínez Munuera, quen nunca pitou ó Celta como equipo visitante na Liga BBVA.

Podes acompañar a PREFERENCIA CELESTE na previa que faremos desde as 20:00 (CAFETERÍA LAS GRADAS, Avda Fragoso, 92, fronte ó Estadio -Mapa-).

Na nosa previa, poderás reservar e pagar a viaxe que faremos a Donosti o vindeiro venres 22 de novembro, para presenciar o Real Sociedad – Celta.


 Tamén podes adquirir participacións do 01.923 para a Lotaría de Nadal. Ou a nosa bufanda conmemorativa do 90 aniversario do Celta. Por só 10 €!

E como sempre, o de sempre. Ala Celta!!! 


martes, 29 de octubre de 2013

Celta - Barcelona (A Previa)

Nós tamén xogamos! | RCCV
Estadio Municipal de Balaídos (22:00) | Tarde de martes e tarde de previa. Así son as cousas para a Liga de Fútbol Profesional. Esta noite enfrontaranse en Balaídos o noso Celtiña e o todopoderoso FC Barcelona de Tata Martino, tres días despois do último enfrontamento de ámbolos dous conxuntos na Liga.

Ámbolos dous conxuntos chegan ó campo do Val do Fragoso con sendas vitorias fronte a Málaga (0-5) e Real Madrid (2-1), respectivamente.

O histórico resultado do Celta, tras unha mala racha de resultados, pero non de xogo, danlle folgos ós nosos, e a bo seguro que saltarán ó campo co obxectivo de dar a sorpresa e vencer a un conxunto que só deixou escapar a vitoria fronte ó Osasuna no Sadar (0-0). Ó líder, pola contra, pódelle pasar a factura da esixencia no derbi que disputaron o sábado pasado, malia vitoria barcelonista.

O equipo que adestra Gerardo Tata Martino viaxou a Vigo esta mesma mañá cos seguintes convocados: Valdés, Pinto, Montoya, Alves, Mascherano, Bartra, Puyol, Adriano, Sergio, Song, Xavi, Cesc, Iniesta, Sergi Roberto, Pedro, Tello, Alexis, Neymar Jr e Messi.

Mentres, os xogadores do Celta convocados por Luis Enrique, que non contará con Kronh-Delhi, que segue recuperándose da escordadura de nocello sufrida o pasado luns fronte ó Levante, son os seguintes: Yoel, Sergio, Hugo Mallo, Fontàs, Cabral, Aurtenetxe, Toni, David Costas, Oubiña, Augusto, Álex López, Rafinha, Madinda, Santi Mina, Orellana, David Rodríguez, Nolito e Charles.

Os precedentes nos enfrontamentos entre Celta e Barcelona en Balaídos son os seguintes: de 47 enfrontamentos entre ámbolos dous conxuntos, 16 foron vitorias para o Celta, 13 empates e 18 derrotas para os de Vigo. 68 goles conseguiu o Celta nestes enfrontamentos, por 80 do Barcelona. O vitoria mais avultada para o Celta foi na tempada 1957/58 na que gañou por 4 goles a 0.

A pasada tempada, o resultado foi de empate a dous goles, na que no mais salientable foi á volta a unha convocatoria de Eric Abidal tralo seu transplante de fígado, recibindo unha ovación de Balaídos, e “a volta” de Messi na que lle marcou consecutivamente a tódolos equipos da Liga, tras marcar tamén ó Celta.

Podes acompañar a PREFERENCIA CELESTE na previa que faremos desde as 20:00 (CAFETERÍA LAS GRADAS, Avda Fragoso, 92, fronte ó Estadio -Mapa-).

Na nosa previa, poderás reservar e pagar a viaxe que faremos a Donosti o vindeiro venres 22 de novembro, para presenciar o Real Sociedad – Celta.




Tamén podes adquirir participacións do 01.923 para a Lotaría de Nadal. Ou a nosa bufanda conmemorativa do 90 aniversario do Celta. Por só 10 €!

 
E como sempre, o de sempre. Ala Celta!!!



Previa do #Celta - #Barcelona: Viaxe a #Donosti, Lotería, Bufandas...

Hoxe na previa do Celta-Barcelona estamos na nosa sede, Cafetería Las Gradas (Fragoso 92) cobrando a viaxe a Donosti. Recordade que non se reservan prazas e que só levaremos un bus. A quen non pague ó facer a reserva non se lle pode asegurar a praza, e cando enchamos o bus o anunciaremos nas redes e deixaremos de coller xente. Tendes toda a info da viaxe na post principal

Prezo bus: 45€
Prezo entrada: 25€


Durante a previa estaremos tamén a entregar a lotería do Nº 01923 que a xente reservou previamente. Tamén hai algunhas participacións dispoñibles deste mesmo número na Cafetería para quen non reservara. O prezo das participacións é de 2.40€ (2€ sorteo de nadal, 0.40€ sorteo bufanda).



Na Cafetería tamén podedes mercar a bufanda especial dos #90AnosDeHistoria do Celta a un prezo de 10€.
 

miércoles, 23 de octubre de 2013

Horarios para pagar a viaxe a #DonostiCeleste

Boas, recordade que seguimos a cobrar os 45€ do bus a #DonostiCeleste ata completar o aforo do bus, e que só levamos un bus; unha vez enchamos non colleremos máis prazas.

Hoxe Mércores 23 estamos na nosa sede, Cafetería Las Gradas a cobrar os 45€ do bus a Anoeta en horario de 17:00-19:00h. O Venres 25 estamos de 18:00-20:00h, e o Sábado 26 de 16:00-18:00h (durante partido do Málaga-Celta).

Tendes toda a info do desprazamento no post da viaxe

martes, 22 de octubre de 2013

Recollida participacións de lotería e décimos do Nº01923

Como xa saberedes, temos nas nosas mans os décimos e participacións de lotería da xente que as reservou. Algunhas xa as repartimos o Luns na previa do Celta-Levante.

Este Xoves 24 de Outubro de 19:00-21:00 e o vindeiro Martes 29 de Outubro de 20:00-21:30 (na previa do Celta-Barcelona) seguiremos entregando os décimos e participacións reservadas na nosa sede, Cafetería Las Gradas (Avenida Fragoso 92, enfrente de Balaídos -Mapa-).

Para quen non reservou, hai algunhas participacións dispoñibles na nosa sede, a un prezo de 2,4€ (2€ para o sorteo extraordinario do 22 de Nadal e 0,40€ para o sorteo dunha bufanda da nosa peña), pero se a tendes reservada falade directamente con nós nos horarios establecidos.

Xoga o 01923 con Preferencia Celeste

lunes, 21 de octubre de 2013

Celta - Levante (A Previa)

Aspas e Juanfran no partido da pasada tempada | vía: corazonceltista.com
Estadio Municipal de Balaídos (20:00) | Celta e Levante vense hoxe as caras dous equipos con dúas visións diferentes de xogo. Por unha banda, o Celta de Luis Enrique con xogo ó toque e á saída de balón, que busca a súa primeira vitoria en Balaídos e saír dos postos de descenso ó que os resultados de onte o condenaron. E por outra, o Levante de Caparrós, que basea o seu xogo na fortaleza física e chega a Vigo despois de pór en apretos ó todopoderoso Real Madrid, perdendo finalmente por 2-3. E ámbolos dous conxuntos buscan, ó final, a salvación na Liga BBVA.

A mensaxe dos xogadores é de total apoio á labor de Luis Enrique nestes quince días de descanso, tralo parón FIFA, pero unha vitoria apaciguaría ós ánimos dun sector dos siareiros do Celta, que comezan cuestionar ó adestrador asturiano do conxunto vigués. Lembremos que o Celta ven de perder fronte ó Atlético de Madrid por 1-2, no que os vigueses fixeron unha boa segunda parte, pero non foi suficiente para conseguir algo positivo diante do (entón) colíder da Liga.

Non se coñece no momento de facer esta previa ós convocados por parte do Celta, e Luis Enrique ten a dúbida do seu porteiro Yoel, que parece que chegará a tempo para disputar o encontro, así como Toni. Seguen sen recibir a alta Rubén Blanco e Augusto Fernández, aínda que teñen unha evolución positiva. A mellor nova foi á vota ós adestramentos de Mario Bermejo.

Mentres, no Levante, Caparrós convocou ós seguintes xogadores: Keylor Navas e Javi Jiménez (porteiros); David Navarro, Héctor Rodas, Loukas Vyntra, Juanfran, Nikos Karabelas, Issam El Adoua e Pedro López; El Zhar, Rubén García, Xumetra, Sérgio Pinto, Ivanschitz, Pape Diop e Simao; Babá e David Barral.

Os antecedentes non poden ser peores para o Celta, se ben é certo que valencianos e vigueses só se enfrontaron entre sí en Vigo en dúas ocasións en primeira división, cun resultado dunha vitoria levantina e un empate. O tempada pasada, Celta e Levante empataron a un gol, con tantos de De Lucas e Roger Martí. Arbitrará Álvarez Izquierdo, do colexio catalán, con quen o Celta conseguiu dúas vitorias e tres derrotas.


Podes acompañar a PREFERENCIA CELESTE na previa que faremos desde as 18:30 (CAFETERÍA LAS GRADAS, Avda Fragoso, 92, fronte ó Estadio -Mapa-), na que ademais, poderás pagar a viaxe que faremos a Donosti o vindeiro venres 22 de novembro, para presenciar o Real Sociedad – Celta. Tamén lembramos que podes adquirir participacións do 01.923 para a Lotaría de Nadal. E como sempre, o de sempre. Ala Celta!!!


sábado, 19 de octubre de 2013

Viaxa con Preferencia Celeste a #DonostiCeleste

Actualización 29/10/13:

Hoxe Martes 29 estamos na nosa sede, Cafetería Las Gradas (Fragoso 92) a cobrar a viaxe a #DonostiCeleste e a entregar as participacións de lotería previamente encargadas.

Bus: 45€
Entrada: 25€


Actualización 23/10/13:

Hoxe Mércores 23 estamos na nosa sede, Cafetería Las Gradas a cobrar os 45€ do bus a Anoeta en horario de 17:00-19:00h. O Venres 25 estamos de 18:00-20:00h, e o Sábado 26 de 16:00-18:00h (durante partido do Málaga-Celta). 



Vos anunciamos que Preferencia Celeste organiza desprazamento a Donosti para o partido Real Sociedad-Celta. Volvemos ó campo no que nos estreamos no noso primeiro desprazamento seguindo ó Celta fóra de Vigo.

Sairemos o Venres 22 ás 23:59 do Estadio de Balaídos e chegaremos a primeira hora da mañá do Sábado 23 a Donosti, polo que poderemos dar unha volta pola cidade e tomar uns pinchos polo casco vello antes do partido. O partido comezará ás 18:00 da tarde. Logo do partido aproveitaremos para cear algo e desfrutar do postpartido para quedar no bus arredor das 00:00-01:00 e voltar a casa, destino Balaídos, a onde chegaremos na mañá do Domingo 24, esperemos que cos 3 puntos na mochila. 

O prezo do bus é de 45€ (40€ peñistas da nosa peña) e o prezo da entrada sairá nuns días e custará probablemente 25€ ou 30€ máximo. Actualizaremos o prezo da entrada así como o saibamos.

Para pagar o bus estaremos o Luns ás 18:30 na previa do Celta-Levante e máis días que vos informaremos no grupo oficial de WhatsApp, nas redes sociais e nesta mesma web.

Para anotarse é necesario que veñades cunha fotocopia do DNI polas dúas caras lexible e o seguinte formulario (hai formularios dispoñibles en Las Gradas). Os menores tamén teñen que traer a autorización (hai autorizacións dispoñibles en Las Gradas) asinada por un titor, e a fotocopia do seu DNI e do titor que autorice a viaxar.

Coma sempre o de sempre... ALA CELTA!

miércoles, 9 de octubre de 2013

Viaxe suspendida! Viaxa a La Rosaleda connosco ó Málaga-Celta 26/10/13 16:00

Debido a que non vemos posible cubrir os custes do bus, vémonos obrigados a suspender este desprazamento a Málaga.



En Preferencia Celeste organizamos desprazamento a La Rosaleda para ver o Málaga-Celta. Imos apoiar ó Celta neste momento onde todos sumamos, e cada afeccionado conta.

A saída é o Venres 25 de Outubro entre as 20:00 e as 21:00 desde Balaídos, con noite en ruta, e chegada á cidade de Málaga antes do partido (Sábado 26 ás 16:00). Este horario aínda está pendente de concretar.

Logo do partido deixamos tempo libre a todos para visitar a cidade de Málaga, recomendando a visita ó Castelo de Gibralfaro (aberto ata as 20:00, 2,2€), á casa natal de Picasso (aberta ata as 20:00, 2€), ó Museo Picasso de Málaga (aberto ata as 20:00, 6€) ou ó teatro romano (aberto ata as 21:00, de balde).

A volta está prevista para o propio Sábado 26 ás 23:59 aproximadamente, con noite en ruta e chegada ó día seguinte a Vigo.

O prezo do bus é de 50€ (45€ os nosos peñistas), máis a entrada para bancada visitante: 40€. Se alguén quere coller a entrada pola súa conta, pode notificalo e pagar simplemente o bus. Non se xestionarán só entradas sen praza de bus.

Para cobrar a viaxe estamos en Cafetería Las Gradas (Avenida Fragoso 92, Vigo) o Venres 11 pola tarde de 18:00-20:00 e o Sábado 12 pola mañá de 11:00-13:00, tamén Venres 18 e Sábado 19, en horarios aínda por concretar (avisaremos do horario a través de Twitter -@PrefCeleste- e nesta mesma páxina), e o Luns 20 de Outubro de 18:00 ata que comece o partido ás 20:00.

Para anotarse é necesario cubrir no momento ou traer cuberto o formulario de viaxe a Málaga e unha fotocopia do DNI lexible polas dúas caras. Os menores tamén teñen que cubrir ou traer cuberta a autorización para menores da viaxe a Málaga e a fotocopia do DNI polas dúas caras  lexible do propio menor e da persoa que o autoriza.


En caso de non cubrir o custe do bus suspenderiamos a viaxe e devolveriamos os cartos. Os cartos da viaxe e da entrada non se devolverán a non ser que se suspenda a viaxe por parte da organización. Tan pronto como enchamos as prazas do bus notificaremos que o bus está cheo e deixaremos de aceptar novas solicitudes, non acudindo á Cafetería a cobrar. Só levaremos un bus.

domingo, 29 de septiembre de 2013

Celta - Elche (A Previa)

Un Celta - Elche disputado anteriormente | Marta G. Brea
Estadio Municipal de Balaídos (17:00 h) | Celta e Elche vense esta tarde as caras en Balaídos buscando unha victoria que lles permita a ambolos dous conxuntos disipar pantasmas.

Os vigueses por que aínda é unha asignatura pendente na súa casa (tres encontros e tres empates), e polas dúbidas creadas polo seu xogo esta semana (empate a cero en Balaídos hai sete días fronte a Alcorcón, e derrota o xoves en Getafe por 2-0) no que se viu un mal Celta.

Mentres, o Elche chega a Vigo nos postos baixos da clasificación, pero coa moral moi alta pola boa imaxe ofrecida este mércores no Santiago Bernabéu, no que un polémico penalti privou ós ilicitanos dun merecido empate no minuto 93. E queren refrendar en Balaídos esa liña ascendente.

Así as cousas, se esperará a priori un interesante duelo no Municipal vigués. Estas son as listas de convocados para a partido desta tarde:


Polo Celta: Yoel e Sergio(porteiros); Hugo Mallo, Fontàs, Aurtenetxe, Toni, Cabral e David Costas; Borja Oubiña, Álex López, Rafinha, Madinda, Krohn-Dehli e Augusto; Nolito, Charles, David Rodríguez e Santi Mina.

Polo Elche: Manu Herrera e Toño (porteiros); Albacar, Botía, Lombán, Damián e Cisma; Rivera, Rubén Pérez, Mantecón, Generelo, Fidel, Carles Gil, Aarón, Javi Márquez e Stevanovic; Boakye, Corominas e Manu del Moral.

O último antecedente de enfrontamentos entre ámbolos dous conxuntos en Primeira División en Balaídos foi o 1989 no que o Celta gañou con contundencia por 3-0. Nembargantes, o último enfrontamento Celta - Elche se produxo en 2012, na Liga Adelante, con victoria para os alacantinos, por 1-2, na tempada que significou o regreso dos vigueses á Liga BBVA. No total de enfrontamentos en Vigo (en Primeira), en seis ocasións, catro foron as victorias para o Celta, por un empate e unha derrota. Con 13 goles a favor e tres en contra.

Podes acompañar a PREFERENCIA CELESTE na PREVIA na nosa sede en CAFETERÍA LAS GRADAS (Avda. Fragoso, 92 (Mapa), fronte ó Estadio de Balaídos), e podes aproveitar para adquirir a nosa Lotaría de Nadal, no que xogamos o 01.923. Lembra que HOXE É O DERRADEIRO DÍA para facelas reservas e o pago para xogar décimos para este número.

E como sempre, o de sempre, Ala Celta!!!
 

jueves, 26 de septiembre de 2013

Xoga con Preferencia Celeste ó 1923 na Lotería de Nadal 2013

Domingo 29 último día para reservar décimos do 1923. Logo do domingo será posible mercar algunhas participacións pero non décimos!

En Preferencia Celeste queremos convidar a todos os  peñistas e simpatizantes do Celta a xogar connosco á Lotería de Nadal 2013.

Logo dun par de anos detrás do número, podemos por fin ofrecervos o 01923 no sorteo que pecha o ano no que conmemoramos os #90AnosDeHistoria do noso clube. Este ano ademáis, a cor do décimo é celeste: a sorte viste de celeste, motivo engadido para xogar ó Gordo de Nadal.

Tendes dúas posibilidades de xogar connosco:

Décimo de 20€+2€ para rifa (sorteo bufanda).

Participación de 2€+0,40€ para rifa (sorteo bufanda).

Podedes reservar e pagar a lotería en Cafetería Las Gradas (Fragoso 92 diante de Balaídos) hoxe Venres 13 de 18:00-20:00, mañá Sábado 14 de 18:00-20:00 e o Luns 16 durante o Athletic de Bilbao-Celta de Vigo. este Xoves 26/09/13 de 21:30-23:45 durante o Getafe-Celta Tamén na previa do partido do Celta-Villareal o Domingo 22 e na previa do Celta-Elche o Domingo 29. O propio domingo 29 pechamos o prazo de reserva e pagamento, facemos o pedido, e non será posible pedir máis lotería. Asimesmo temos un número limitado de lotería á nosa disposición,  non quedes sen ela!

Ademáis da lotería xogada, participaredes no sorteo dunha bufanda da nosa peña, a celebrar o propio 22/12/13 en lugar e hora por determinar.

Premios suxeitos á normativa fiscal vixente. Facenda reterá un 20% do importe para premios superiores a 2500€. Dita retención aplica íntegramente ó décimo e á parte proporcional no caso das participacións.

Campaña abonados 2013-2014 Únete a #PreferenciaCeleste

Abrimos xa a campaña de abonados para a próxima tempada 2013-2014. Como posiblemente saberedes, este nova tempada unificamos todas as categorías de peñista nunha única categoría a prezo low-cost.

Podes ser peñista de Preferencia Celeste por só 10€ ó ano!!
Facéndote peñista tes prioridade no acceso a viaxes e entradas das que poidamos dispoñer, desconto en productos da peña, e moitos máis beneficios.

Se te fas agora mesmo peñista, poderás gozar de todos os beneficios desde xa mesmo, sen ter que agardar á tempada que vén.

SÓ 10€

Non é requisito obrigatorio que sexas abonado ó Celta, nin sequera que sendo abonado, o sexas da bancada de Preferencia: só son necesarias as gañas de pasalo ben e gozar con esta pequena gran familia celtista.


ÚNETE A PREFERENCIA CELESTE!

Podes imprimir desde esta mesma web o formulario de inscrición ou recoller un flyer en Cafetería Las Gradas. Recorda que tes que adxuntar unha fotocopia do DNI e unha foto (pode ser a través de e-mail). Se és menor de idade, tes que cubrir a autorización adxunta e terás que enviar tamén a fotocopia do DNI do teu titor.


 

Un saúdo e... coma sempre o de sempre... ALA CELTA!!!


Getafe - Celta (A Previa)

O Getafe - Celta do pasado febreiro | Foto: J.J. Guillén (EFE)
Coliseum Alfonso Pérez (22:00 h) | Getafe e Celta mediránse esta noite nun partido no que ámbolos dous contendentes chegan con obxectivos moi diferentes. O Celta busca unha victoria que lles permita ós vigueses seguir na parte templada, con opcións para dar un salto na clasificación, mentres que o Getafe ten que buscar sair dos postos que ocupa neste intres.

Tralo empate do pasado domingo (0-0 fronte ó Alcorcón), os vigueses son novenos, con 6 puntos. Mentres, o Getafe ocupa o posto 15º, con só 4 puntos, todos conseguidos no Alfonso Pérez.

A pasada tempada, nun infausto partido para o Celta, os vigueses perderon por tres goles a un, en partido disputado o pasado 16 de febreiro. Ese partido supuxo a destitución de Paco Herrera e o debut de Santi Mina en partido de Primeira División, unha decisión moi discutida, pois sustituíra a Iago Aspas. O Celta comezara unha espiral cara abaixo que lle estivo a piques de costar a categoría.

No Getafe deste ano destaca (polo menos para os saireiros celtistas) a presenza de Roberto Lago quen, tras non chegar a un acordo co Celta cara a súa renovación, marchou para o conxunto madrileño. Será un partido moi especial para o vigués, que recoñece que, por vez primeira na súa vida "non animarei ó equipo dos meus amores, e do que son socio eu e a miña familia".

O Getafe chega a este partido coas importantes baixas de Valera e Ángel Lafita, e pode ser unha oportunidade para que Arroyo e Sarabia ocupen a titularidade no conxunto madrileño. Así as cousas, Luis García convocou ós seguintes xogadores para o partido desta noite: Moyá e Codina (porteiros); Alexis, Roberto Lago; Lisandro; Lopo García, Arroyo e Rafa; Lacen, Sarabia, Gavilán, Pedro León, Diego Castro, Juan Rodríguez, Borja Fernández, Pedro Mosquera e Javi Navas; Colunga e Miku.

O Celta ten a baixa de última hora de Augusto Fernández, que se suma á de Nolito. Prevése que Luis Enrique continúe as rotacións, particularmente nesta semana de tres partidos. Os conovados polo adestrador asturiano son os seguintes: Yoel e Sergio (porteiros); Jonny, Fontàs, Aurtenetxe, Cabral, David Costas, Bellvís e Toni; Borja Oubiña, Álex López, Rafinha, Madinda e Krohn-Dehli; Charles, David Rodríguez, Orellana e Santi Mina.

Nos tres partidos que Getafe e Celta xogaron anteriormente no Alfonso Pérez, dúas foron as victorias para o Getafe e só un empate entre madrileños e vigueses.

Podes acompañar a PREFERENCIA CELESTE para ver este interesante partido na nosa sede en CAFETERÍA LAS GRADAS (Avda. Fragoso, 92 (Mapa), fronte ó Estadio de Balaídos), e podes aproveitar para adquirir a nosa Lotaría de Nadal, no que xogamos o 01.923 (estaremos entre as 21:30 e as 23:45 horas).

E como sempre, o de sempre... Ala Celta!!!