viernes, 5 de septiembre de 2014

Viaxa a #BilbaoCeleste connosco por só 35€ (bus) #Athletic - #Celta

 BUS CHEO!

Preferencia Celeste organiza desprazamento a Bilbao para o partido que enfrontará ó Athletic Club co Real Club Celta en San Mamés Barria o vindeiro Sábado 18 de Outubro de 2014.

A saída é desde o Estadio Municipal de Balaídos o Venres 17/10/14 ás 23:59, noite en ruta, chegada pola mañá a Bilbao, día libre para coñecer a cidade, partido ás 18:00 e tempo para cear antes de coller novamente o bus de volta arredor das 23:59 do Sábado, noite en ruta e volta para chegar a Vigo na mañá do Domingo.

Para anotarvos enviade un e-mail ó noso correo preferenciaceleste@gmail.com, vos confirmamos a praza, e vos dicimos a conta bancaria para facer o ingreso dos 35€ (peñistas de Preferencia Celeste 30€). Tamén estaremos na nosa sede, Cafetería Las Gradas (Fragoso 92) cobrando en man a viaxe, nas datas que publicitemos nesta web e no twitter e facebook oficial da peña.

Estamos pendentes da confirmación do prezo e disponibilidade das entradas. Vos informaremos nesta web e nas redes sociais da información das entradas que nos vaia chegando.

Nos poñemos en contacto coa xente que viaxa no bus para o pago das entradas.

domingo, 27 de julio de 2014

Calendario de Liga 2014-2015 #Celta de #Vigo

Xa temos o calendario da tempada 2014-2015 dispoñible. Como nos últimos anos, a pesares de xogar na "mellor liga do mundo" tan só sabemos na fin de semana que se xogan os partidos, e non o horario nin se se xoga Sábado, Domingo ou Luns.

Na 5º xornada (24/09/14) temos o primeiro #ONosoDerbi da tempada, na que o Celta recibe ó Coruña en Balaídos nunha xornada que se xoga entre semana, quedando a volta en Riazor para a fin de semana do 22 de Febreiro.

Posibles desprazamentos perto temos na xornada 4º (21/09/14) o Calderón fronte o Atlético, a 8º xornada (19/10/14) onde o Celta visita San Mamés Berria, e as xornadas 12º (23/11/14) e 14º (07/12/14) onde o Celta xoga fronte a Rayo Vallecano e Real Madrid respectivamente.

Para a segunda volta temos na 20º (25/01/15) o Getafe, e o desprazamento clásico desta peña a Donosti na xornada 22º (08/02/15). Tamén un posible desprazamento cara un recén chegado a Ipurúa, fronte ó Eibar na 32º (19/04/15). En Eibar o Celta ten a Peña Eibarzale que poderá gozar co Celta en primeira sen ter que moverse da casa.

Outros clásicos desprazamentos do celtismo son na xornada 10º (02/11/14) fronte ó FC Barcelona, na 28º (22/03/15) fronte ó Levante, e na 37º (17/05/15) fronte ó Valencia

Podedes descargar o calendario 2014-2015 en formato PDF

sábado, 31 de mayo de 2014

Campaña de abonados 2014-2015. Faite peñista por só 10€ #PreferenciaCeleste

En Preferencia Celeste lanzamos un ano máis a campaña de captación de peñistas co obxectivo de chegar ós 150 peñistas, e dentro deses ter alomenos 100 peñistas que sexan abonados do Celta.

Na nosa peña buscamos celtistas dispostos a defender as nosas cores dentro e fóra de Balaídos, xente con gañas de animar, de pasalo ben e de gozar do celtismo activo. Xente que goce nos desprazamentos, que lle gusten os recibimentos, que non entenda unha fin de semana sen sufrir e gozar co noso celtiña.

Esta nova tempada 2014-2015 mantemos a tarifa única de 10€ por peñista. Pensamos que o prezo non pode ser unha barreira para que vos unades a nós.

Flyer campaña 2014-2015

Recordade que para facervos peñistas necesitamos que cubrades e asinedes o formulario de adhesión e que entreguedes unha fotocopia lexible do DNI, unha foto tamaño carnet, así como os 10€ da cota na nosa sede, Cafetería Las Gradas nas previas dos partidos ou contactando connosco vía e-mail en preferenciaceleste@gmail.com (Os menores de idade ademáis teñen que cubrir a parte baixa do formulario, o cal ten que vir asinado polo titor e adxunto tamén co DNI do titor)





Coma sempre o de sempre... ALA CELTA!!!

martes, 27 de mayo de 2014

Partido #CíesPatrimonio Xoves 29/05/14 ás 20:45

Este Xoves 29/05/14 ás 20:45 terá lugar no campo do Coruxo FC no Vao un partido formado por antigas estrelas do Celta contra antigas estrelas do resto do Mundo pola declaración das Illas Cíes como Patrimonio da Humanidade.

As entradas poden mercarse na planta de deportes do Corte Inglés a un prezo de 15€ adultos e 8€ nenos.

Acudide para promocionar a candidatura das Illas Cíes como Patrimonio da Humanidade!!!




lunes, 19 de mayo de 2014

Sorteo de bufanda da nosa peña só por ser follower e facer RT!

En Preferencia Celeste sorteamos unha bufanda da nosa peña para celebrar os 2000 followers alcanzados na rede social Twitter.


VÍDEO DO SORTEO (Do streaming en directo):


Noraboa a @dalotri84 pola bufanda! Estamos xa en contacto con él para entregarlla tan pronto como poidamos :) Graciñas ó resto por participar no sorteo.


Para optar ó sorteo, que rematará o vindeiro Domingo 25/05/14 ás 23:59, tan só tes que ser follower noso e facer RT ó seguinte tweet => https://twitter.com/PrefCeleste/status/468143778063450112

Excluiremos do sorteo ós bot, contas sen actividade creadas só para este concurso, e contas de persoas ou institucións con mensaxes contra o Celta ou contra o celtismo no seu TL, así como as contas marcadamente anticeltistas.


Recorda que podes seguirnos en twitter facendo follow a @PrefCeleste e en Facebook en http://www.facebook.com/PreferenciaCeleste



sábado, 3 de mayo de 2014

Osasuna - Celta (A Previa)

Un anterior Celta - Osasuna en Balaídos (Foto: Salvador Sas | EFE).
Estadio de El Sadar (20:00) | Osasuna e Celta enfróntanse este serán no Estadio de El Sadar para buscar os de Luis Enrique acadar a seu maior número de vitorias a domicilio, mentres que os de José Gracia, que contarán con estadio cheo a rebosar busca afastarse definitivamente dos postos de descenso.

Con estes ingredentes, espérase un interesante encontro na capital navarra. Os técnicos o deixaron claro. Mentres que José Gracia, quen espera un Celta "enchufadísimo" di que "é un partido de vital importancia e trataremos dunha vez que os puntos queden na casa. Falta de compromiso e implicación vos aseguro que non falta". Por outra banda, Luis Enrique declara que quen espera que o Celta salga ó campo de El Sadar de vacacións "se equivoca". O adestrador asturiano quere un Celta o máis arriba posible.

ANTECEDENTES: Osasuna e Celta enfrontáronse nun total de 18 ocasións na Liga BBVA, con 12 vitorias locais, un empate e cinco vitorias do Celta. O Osasuna é o cuarto mellor conxunto a visitar de todos ós que se enfrontou o Celta esta tempada (Fonte: Celta Historia).

CONVOCATORIAS:

CA Osasuna: Riesgo e Andrés Fernández; Marc Bertrán, Joan Oriol, Miguel Flaño, Arribas, Oier, Lotiès e Damiá; De las Cuevas, Puñal, Armenteros, Cejudo, Lobato, Silva e Roberto Torres; Acuña e Oriol Riera.

RC Celta: Sergio e Yoel; Fontàs, Aurtenetxe, Jonny, Íñigo López, Cabral e David Costas; Oubiña, Álex López, Madinda, Krohn-Dehli e Augusto; Bermejo, Orellana, Nolito e Santi Mina.

Arbitrará Jesús Gil Manzano, do Colexio Extremeño.


Podes acompañar a PREFERENCIA CELESTE a partires das 19 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!



lunes, 28 de abril de 2014

Celta - Valladolid (A previa)

(Ilustración: Pablo Rosendo | RC Celta)
Estadio Municipal de Balaídos (22:00) | Celta e Valladolid veránse as caras esta noite no vello Balaídos co obxectivo de conseguir de xeito matemático a permanencia aínda que os pucelanos chegan a Vigo cunha necesidade casi imperiosa de conseguir os tres puntos.

Os de Luis Enrique queren ofrecer esta noite unha vitoria que lles daría ós vigueses prácticamente a salvación matemática, pois quedarían con 43 puntos, por riba do obxectivo inicial dos 40 puntos. "É importante que a afección saiba que gañar o partido de mañán (por hoxe) nos daría a salvación matemática, nos permitiría conseguir, por fin, o tan ansiado obxectivo que nos tiñamos marcado", foron as palabras do adestrador celester para salientar a importancia do partido desta noite.

O Valladolid, pola contra, chega coa auga ó cuello, ocupa a penúltima posición na táboa clasificatoria, aínda que cun partido menos, o que lle resta disputar contra o Real Madrid por mor da Champions League. O seu adestrador, Juan Ignacio Martínez, valorou a importancia de lograr unha triunfo en Vigo: "Unha victoria tería moita importancia tanto desde o punto de vista clasificatoria como anímico", foron as súas verbas.

ANTECEDENTES: A estatística está do lado vigués, en 27 enfrontamentos entre Celta e Valladolid en Balaídos, 14 foron victorias locais por só 3 visitantes. Os restantes 10 partidos remataron con táboas. O Celta fixo 22 goles e recibiu 22. A vitoria mais avultada foi na tempada 1949/50 cun contundente 4-0, na xornada 18. No partido de ida no Novo Zorrilla, o Valladolid impúxose por un claro 3-0, os tres de Javi Guerra.

Arbitrará Teixeira Vitienes.

CONVOCATORIAS:

RC Celta: Yoel e Sergio; Hugo Mallo, Fontàs, Aurtenetxe, Jonny, Iñigo López e Cabral; Borja Oubiña, Rafinha, Madinda, Krohn-Dehli e Augusto; Mario Bermejo, Nolito, Charles, Orellana e Santi Mina.

Real Valladolid:  Jaime e Diego Mariño; Jesús Rueda, Rukavina, Peña, Mitrovic e Valiente; Álvaro Rubio, Víctor Pérez, Rossi, Omar, Larsson, Óscar e Bergdich; Javi Guerra, Jeffren, Manucho e Osorio.

@CentolosdoCelta e @irmandinos1923 disputan hoy la final del Mundial de Peñas de #BalaídosUniversal.En la portería @PrefCeleste.Felicidades!
Preferencia Celeste conseguiu un honorable 3º posto no mundial das peñas de #BalaídosUniversal. Só por detrás de Centolos Celestes e Irmandiños 1923. Isto nos permitirá parar os penaltis da final que disputarán Centolos e Irmandiños.

Podes acompañar a PREFERENCIA CELESTE na PREVIA a partires das 21 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-), desde onde partiremos cara ó Estadio a continuación.

E como sempre, o de sempre! Ala Celta!

 

sábado, 12 de abril de 2014

Celta - Real Sociedad (A Previa)

Foto: Pablo Rosendo | Real Club Celta de Vigo
Estadio Municipal de Balaídos (16:00) | Celta (13º) e Real Sociedad (6º) disputan esta tarde en Balaídos a primeira das seis finais que lle agardan ós celestes, partido que cobra especial importancia tralo tropezón dos vigueses o pasado sábado en Vallecas por un contundente 3-0 e que coloca ós de Madrid por enriba do Celta e cun goal averaxe favorable a eles. Pero o Celta segue a depender de si mesmo para conseguilo obxectivo da salvación.

Luis Enrique espera para este partido a unha "Real potentísima" en Balaídos e di dos donostiarras que son un equipo "motivador". Mentres, Jagoba Arrasate, entrenador vasco, está convencido de "de facer un bo "sprint" final. Imos rematar o ano con boas sensacións".

CONVOCATORIAS:

RC Celta: Yoel e Sergio, Hugo Mallo, Fontàs, Aurtenetxe, Jonny, Íñigo López, Cabral, Oubiña, Orellana, Madinda, Krohn-Delhi, Rafinha, Bermejo, Nolito, Charles, Augusto e Santi Mina.

Real Sociedad: Bravo e Zubikarai; Carlos Martínez, Zaldua, Mikel, Iñigo e José Ángel; Markel, Pardo, Elustondo, Zurutuza, Granero e Canales; Seferovic, Agirretxe, Griezmann, Vela e Chory Castro.

ANTECEDENTES: A favor do Celta, ademais de xogar en casa e o desexo de entrenador e xogadores de agradar á súa afección, está a estatística, pois de 41 partidos disputados en Balaídos entre Celta e Real Sociedad, os vigueses venceron en 23 deles, con 9 empates e 9 derrotas. Conseguiron 71 goles a favor e 40 en contra. A meirande vitoria para os de Vigo foi na tempada 1941/42 cun contundente 6-1.


Podes acompañar a PREFERENCIA CELESTE onde FAREMOS A PREVIA a partires das 15 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-), desde onde partiremos cara ó Estadio a continuación.

E como sempre, o de sempre! Ala Celta!

sábado, 22 de marzo de 2014

Viaxa a Vallecas con #PreferenciaCeleste para o Rayo-Celta. Prezo do bus:35€

Viaxa connosco a Vallecas para o importantísimo partido do Celta fronte ó Rayo Vallecano do vindeiro Sábado 05/04/14 ás 22:00h.

Sairemos do Estadio de Balaídos o propio Sábado 5 de Marzo ás 08:00, con idea de chegar arredor das 15:30/16:00 a Madrid, previa con Morriña Celeste ou día enteiro na cidade, asistencia ó partido, e volta logo do partido.

Nesta web e a través do noso twitter faremos públicos os horarios para anotarse e pagar a viaxe. Recordade que para confirmar a praza é necesario pagar os 35€ do bus. Non se terán en conta reservas que non sexan abonadas no momento.

Só dispoñemos de prazas de bus, e xa non xestionamos máis entradas. Se queredes praza de bus escribídenos un e-mail a preferenciaceleste@gmail.com e vemos como facer para pagar a reserva de praza. Prezo bus: 35€

Para anotarse é necesario que veñades cunha fotocopia do DNI polas dúas caras lexible e o seguinte formulario (tamén hai formularios dispoñibles en Las Gradas). Os menores tamén teñen que traer a autorización (tamén hai autorizacións dispoñibles en Las Gradas) asinada por un titor, e a fotocopia do seu DNI e do titor que autorice a viaxar. 

O prezo do bus é de 35€ (30€ para peñistas da nosa peña). O prezo da entrada, feito público hoxe Luns 31 de Marzo, é de 35€. Da xente que viaxa connosco, quen queira que lle xestionemos a compra da entrada terá que facer efectivo o pago da mesma nos prazos que indiquemos unha vez se publicite o prezo.


Rayo - Celta

 

viernes, 21 de marzo de 2014

Celta - Málaga (A Previa)

Estadio Municipal de Balaídos (21:00) | Celta e Málaga enfróntanse esta noite en Balaídos para afastarse definitivamente do perigo dos postos de descenso. O Celta desde un cómodo 11º posto, con 33 puntos, pero só a 5 dos postos de abaixo. O Málaga, en cambio, está mais perto do abismo, 14º, con 29 puntos, a só un dos postos de descenso.

Importante, por tanto, este partido entre rivais "da mesma Liga" no que a gañador sairá moi reforzado cara á permanencia na Liga BBVA. No clube vigués, conscentes disto, puxeron á venda ós seus abonados entradas a só 10 euros, sendo un éxito a medida e Balaídos terá un bo aspecto esta noite.

Luis Enrique non quere relaxacións, cualificou o partido de "básico" para o Celta e opina que o 0-5 da ida non pode servir como referencia, pois considera que os da Costa do Sol teñen capacidade para "facer calquera cousa".

Bernd Schuster, pola súa banda, espera sacar algo positivo da súa visita a Vigo, tralas boas sensacións dos últimos partidos do Málaga (perda pola mínima fronte ó Real Madrid e contundente vitoria en Pamplona, fronte ó Osasuna, por 0-3). Do Celta, o alemán di que "é un equipo dificil, xoga moi ben e fai dano, pero intentaremos frealos".

CONVOCATORIAS:

RC Celta: Sergio Álvarez e Yoel Rodríguez; Hugo Mallo, Fontàs, David Costas, Íñigo López, Jonny e David Goldar; Borja Oubiña, Rafinha, Augusto Fernández, Krohn-Dehli e Madinda; Charles, Nolito, Orellana, Bermejo e Santi Mina.

Málaga CF:  Kameni e Willy; Weligton, Flávio, Camacho, El Hamdaoui, Portillo, S. Cruz, Iakovenko, P. Pérez, Angeleri, Duda, Eliseu, S. Sánchez, Amrabat, Samuel, Juanmi e S. Darder.

ANTECEDENTES:

Celta e Málaga enfrontáronse en 7 ocasións no Municipal de Balaídos na Liga BBVA con resultado de dúas vitorias para o Celta, dous empates e tres derrotas. O mellor resultado para os celestes en Vigo foi un 2-0, conseguido na primeira xornada da tempada 2005-2006. No partido de ida, o Celta venceu na Rosaleda cun contundente 0-5.

Arbitrará Gil Manzano do colexio extremeño, quen só pitou nunha ocasión ó Celta na Liga BBVA con vitoria para os celtiñas.

VIAXE A VALLECAS DE PREFERENCIA CELESTE:

Preferencia Celeste viaxará co Celta a Vallecas. Podes incribirte para esta viaxe por só 35 € (30 € para os nosos peñistas) desde hoxe mesmo na previa. Tes toda a información nesta entrada e puntualmente nas nosas redes sociais.


Podes acompañar a PREFERENCIA CELESTE a partires das 18 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-), desde onde partiremos a continuación a Balaídos.

E como sempre, o de sempre! Ala Celta!

sábado, 15 de marzo de 2014

Levante - Celta (A Previa)

Nós cremos no Celta!
Cidade de Valencia (16:00) | Levante e Celta enfróntanse esta tarde no Cidade de Valencia, na que o Celta busca revertir a situación na que leva tres partidos sen coñecer a vitoria. Mentres, o Levante non quere perder o tren para clasificarse en competicións europeas.

O Levante, que ocupa a décima posición con 36 puntos, a 7 dos postos que dan clasificación a Europa, chega a este partido coa baixa de David Navarro, por acumulacións de cartóns, ó que competición non lle retirou a quinta amarela recibida no partido contra o Real Madrid. Joaquín Caparrós di que "un resultado positivo axudaranos dar un pasiño mais".

O Celta, clasificado no posto 12, con 30 puntos, vese na obriga dun resultado positivo, pois nas tres últimas xornadas veu reducida a diferencia cos postos de descenso. Chega sen a súa referencia Rafinha, baixa por segunda semana consecutiva, pero Luis Enrique quere "complicarlle a vida ó Levante".

CONVOCATORIAS:

Levante UD: Keylor Navas e Javi Jiménez; Rodas, Vyntra, Juanfran, Nikos e Pedro López; El Zhar, Rubén, Xumetra, Sèrgio, Ivanschitz, Sissoko, Pape Diop e Simao; Casadesús, Barral e Babá.

RC Celta: Sergio e Yoel; Hugo Mallo, Fontàs, Aurtenetxe, Jonny, Íñigo López, Cabral e David Costas; Oubiña, Álex López, Madinda, Krohn-Dehli e Augusto; Bermejo, Nolito, Charles, Orellana e Santi Mina.

ANTECEDENTES:

Celta e Levante enfrontáronse en tan só ocasións no Cidade de Valencia na Liga BBVA, con resultados esperanzadores para os de Vigo: un empate e unha vitoria. No partido de ida, o Celta perdeu por 0-1 en partido marcado por un apagón no comezo do segundo tempo nunha noite de luns moi desapacible en Vigo.

Arbitrará o canario Alejandro Hernández Hernández, con quen non perdeu o Celta en Primeira.

Podes acompañar a PREFERENCIA CELESTE a partires das 16 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!

sábado, 8 de marzo de 2014

Celta - Atlético de Madrid (A Previa)

(Rosendo | RC Celta)
Estadio Municipal de Balaídos (20:00) | Interesante partido o que Celta - Atlético de Madrid nos ofrecerán este serán no vello coliseo do Fragoso. Chega o terceiro clasificado da Liga BBVA e grata sorpresa desta Liga na que rompeu o binomio R. Madrid/Barcelona na parte alta do taboleiro.

O Celta quere convertir Balaídos nun fortín, no que leva seis partidos sen coñecer a derrota, e persiguir conseguir os tres puntos que o asenten aínda máis na zona cómoda da clasificación (11º con 30 puntos). Mentres o Atlético (3º con 61 puntos) chega coa obriga de gañar para non descolgarse de Real Madrid (a tres puntos) e Barcelona (a dous) na loita polo Campionato.

Chega este Atlético coas baixas de Arda Turan, Diego Godín e Diego Costa, por acumulación de cartóns, pero non debe menosprezarse ós seus recambios. Simeone, o seu adestrador, alabou o xogo do Celta, dicindo que "requerirá un grande esforzo" para eles e que a clave será "xogar en equipo".

Para Luis Enrique, o Atlético é un dos favoritos para gañar a Liga e non quixo valorar as baixas dos colchoneiros. Declarou que o Celta "sairá polos tres puntos".

CONVOCATORIAS:

RC Celta: Yoel e Sergio; Hugo Mallo, Fontàs, Oubiña, Álex López, Nolito, Charles, Orellana, Aurtenetxe, Madinda, Jonny, Íñigo López, Cabral, Krohn-Delhi, Augusto, Welliton e Santi Mina.

Atlético de Madrid: Aranzubía e Courtois; Filipe Luis, Alderweireld, Giménez, Juanfran, Insúa e Miranda; Mario Suárez, Koke, Raúl García, Cristian Rodríguez, Gabi, Diego, Sosa e Nana; Adrián e Villa.

ANTECEDENTES:

Celta e Atlético disputaron un total de 45 partidos en Balaídos na división de honra 16 vitorias para os de Vigo, 11 emaptes e 18 derrotas, con 59 goles a favor e 66 en contra. A meirande vitoria para o Celta foi na xornada 13 da tempada 1954-55 cun contundente 8 a 1. Na primeira volta o Celta perdeu por 2-1.

Arbitará Mateu Lahoz (colexio valenciano) a quen lle pitou en dúas ocasións ó Celta como local na Liga BBVA cunha vitoria e un empate para os de Vigo.


Podes acompañar a PREFERENCIA CELESTE onde FAREMOS A PREVIA a partires das 19 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-), desde onde partires cara ó Estadio a continuación.

E como sempre, o de sempre! Ala Celta!

 

lunes, 24 de febrero de 2014

Inauguración da Peña Celtista O Racimo

Esta noite foi inaugurada a Peña Celtista O Racimo, unha boa nova para todo o celtismo, que ve crecer cada día a súa familia.

David Costas, Michael Krohn-Delhi e Rubén Blanco foron os xogadores do Celta que apadriñaron a inaguración. Mención especial para Rubén Blanco, que foi nomeado socio de honra desta Peña.

Ademáis dos xogadores, acudiron polo Celta, Primitivo Ferro, conselleiro, Vlado Gudelj, delegado e relacións públicas do clube vigués, o presidente da Federación de Peñas, Pepe Méndez, e outros representantes de diferntes peñas do celtismo.

Desde Preferencia Celeste tivemos a honra de acompañar á Peña Celtista O Racimo na súa grande festa, e desde aquí lle desexamos o mellor ós novos membros desta grande familia.

E como sempre, o de sempre, Ala Celta!!!



sábado, 22 de febrero de 2014

Celta - Getafe (A Previa)

Estadio Municipal de Balaídos (18:00) | Celta e Getafe enfróntanse esta tarde no vetusto Balaídos con obxectivo de alonxarse o mais posible dos postos de descenso, pero chegan a este partido de xeito diferente e con sensacións opostas.

Así, o Celta de Luis Enrique ven de encadenar catro partidos sen coñecer a derrota, dos que tres de eles foron vitorias (a última, o 0-2 fronte ó Villarreal) e, aínda que o discurso oficial segue a ser a de que o obxectivo prioritario é a de manterse de categoría (mesmo o adestrador ofreceu números na súa rolda de prensa de onte), o certo é que xa se empeza a acariñar a posiblilidade de chegar a cotas mais altas.

En tanto o Getafe de Luis García chega a Vigo cunha dinámica totalmente diferente, na que leva nove partidos sen coñecer a vitoria. A derradeira, chegou o 29 de novembre, fronte ó Levante (1-0). Ocupa a 15ª posición con 25 puntos. Unha derrota poría en serios apuros ós madrileños e mesmo podería custarlle ó cargo ó seu adestrador. Curiosamente, no partido de ida no Alfonso Pérez, o Celta foi derrotado por 2-0, nun dos peores partidos que se lembran en tempo recente dos celestes.

CONVOCATORIAS:

RC Celta:  Sergio e Yoel; Hugo Mallo, Cabral, Fontàs, Costas, Aurtenetxe e Jonny; Oubiña, Augusto Fernández, Krohn-Dehli, Álex López, Rafinha e Orellana; Charles, Santi Mina, Nolito e Williton.

Getafe CF:  Moyá e Codina; Alexis, Roberto Lago, Lisandro, A. Arroyo, Rafa e Valera; Lacen, Lafita L., Pablo Sarabia, Gavilán, P. León, D. Castro, Sammir, J. Rodríguez e Borja F.F.; Ciprián.

ANTECEDENTES:

Celta e Getafe enfrontáronse en tres ocasións no Estadio Municipal de Balaídos, con pleno de vitorias para os vigueses (Fonte: Celta Historia). No partido de ida, gañaron os azulóns por 2-0.

Arbitrará Clos Gómez (comité aragonés), con quen o Celta nunca gañou. Foi arbitrado polo trencilla aragonés en catro ocasións, con dous empates e dúas derrotas na Liga BBVA.

Podes acompañar a PREFERENCIA CELESTE onde FAREMOS A PREVIA a partires das 17 horas, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-), desde onde partires cara ó Estadio a continuación.

E como sempre, o de sempre! Ala Celta!

sábado, 15 de febrero de 2014

Villarreal - Celta (A Previa)

Estadio de El Madrigal (22:00) | Villarreal e Celta enfróntanse esta noite no Madrigal, nun partido no que os de Marcelino García Toral buscan afianzarse na quinta praza clasificatoria e non perder de vista o cuarto posto que lles daría acceso á Champions. Mentres, os de Luis Enrique Martínez buscan manter o excelente estado de forma que ratifique as dúas vitorias consecutivas (fronte a Betis e Granada) e un meritorio empate fronte a todo un Athletic Club e que lle permite estar nun cómodo 11º posto na táboa.

Marcelino García, adestrador do Villarreal, desfíxose en halagos para o Celta, afirmando que "o Celta é un equipo que sabemos será complicado de derrotar polo seu estilo de xogo dinámico". Mentres, Luis Enrique di dos levantinos que "na ida nos crearon moito perigo, pero queremos demostrar que fora da casa podemos ser un equipo incómodo".

García Toral, ademáis das baixas de Pablo Íñiguez, Javier Aquino, Cani e Oliver Torres, perdeu nas últimas horas ó seu porteiro titular Sergio Asenjo. Mentres, Luis Enrique tamén perdeu a Charles, afectado por un proceso gripal. Mina finalmente viaxou a Villarreal aínda que é seria dúbida para este encontro.

CONVOCATORIAS:

Villarreal CF:  Juan Carlos e Aitor; Mario, Pantic, Jokic, Jaume Costa, Dorado, Gabriel e Musacchio; Bruno, Trigueros, Tomás Pina, Joan Román e Moi Gómez; Giovani, Perbet, Jonathan Pereira e Nahuel.

RC Celta:  Sergio e Yoel; Hugo Mallo, Cabral, Fontàs, Íñigo López, Costas, Aurtenetxe e Jonny; Oubiña, Augusto Fernández, Krohn-Dehli, Álex López, Rafinha e Madinda; Santi Mina, Bermejo, Nolito e Orellana.

ANTECEDENTES:

Villarreal e Celta enfrontáronse en sete ocasións no Estadio do Madrigal con resultado de 4 vitorias a favor dos castellonenses, 2 empates e só unha vitoria a domicilio dos vigueses, con 13 goles a favor do Villarreal por só 5 do Celta. A vitoria mais avultada para os amarelos conseguironna na tempada 2002-2003, xornada 34, na que venceron por cinco goles a cero.

Arbitrará Fernández Borbalán (comité andaluz), que lle pitou en tres ocasións ó Celta como visitante, con dúas derrotas e só un empate.

Podes acompañar a PREFERENCIA CELESTE onde FAREMOS A PREVIA a partires das 9 da noite, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!

lunes, 10 de febrero de 2014

Celta - Athletic (A Previa)

Estadio Municipal de Balaídos (22:00) | Celta e Athletic volverán a verse as caras esta noite no vello coliseo da beira do Lagares na que os de Bilbao chegan a Vigo tratando de facer valer a súa condición de cuarto clasificado e como un dos equipos mais en forma da presente campaña. Non en vano, leva catro partidos sen perder. Unha vitoria dos vascos aumentaría a vantaxe dos de Bilbao respecto ós seus competidores mais próximos, Villarreal e Real Sociedad. Por iso, Ernesto Valverde, adestrador do Athletic afirmou que "todos os partidos comezan a ser decisivos".

Mentres, o Celta (11º) busca facer de Balaídos, un fortín tras as vitorias en casa consecutivas fronte a Valencia e Betis. A vitoria, ademais, a pasada fin de semana fronte ó Granada no Estadio dos Cármenes contribuirá á alta moral dos vigueses. Hai que lembrar que o Celta xa foi quen de gañar ó Athletic en Vigo no partido de ida en Copa do Rei. Unha vitoria, en calquera caso, asentaría cómodamente na zona templada da táboa clasificatoria. Luis Enrique calificou este partido como "clave" e do Athletic dixo que fai un fútbol "espectacular".

CONVOCATORIAS:

RC Celta: Sergio e Yoel; Hugo Mallo, Fontàs, Oubiña, Álex López, Bermejo, Nolito, Charles, Rafinha, Orellana, Jonny, Íñigo López, Cabral, Krohn-Delhi, Augusto, Santi Mina e Costas.

Athletic Club: Iraizoz, Laporte, Erik Morán, San José, Iturraspe, Kike Sola, De Marcos, Ibai, Albizua, Iago Herrerín, Susaeta, Iraola, Mikel Rico, Gurpegi, Muniain, Aduriz, Ander Herrera, Saborit e Balenziaga.

ANTECEDENTES:

Celta e Athletic enfrontáronse en 47 ocasións no Estadio de Balaídos con resultado de 22 vitorias para o Celta, 11 empates e 14 derrotas. O Celta anotou en 76 ocasións, por 57 do Athletic. A vitoria mais abultada para o Celta deuse un na primeira xornada da tempada 1947-48 na que os vigueses venceron por 5 goles a 1. No partido de ida, no que foi a estrea do novo Estadio de San Mamés, o Athletic vencéu por 3-2.


Podes acompañar a PREFERENCIA CELESTE onde FAREMOS A PREVIA a partires das 9 da noite, para partires a continuación ó Estadio de Balaídos. Como sempre, na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!

domingo, 2 de febrero de 2014

Presentación de #Welliton en #Balaídos

El Real Club Celta de Vigo ha presentado hoy, 2 de febrero de 2014, en Balaídos su nuevo fichaje poco más de las 17:00 horas, Welliton Soares de Morais. Refuerza así con el mercado de invierno la parte delantera del equipo. Este celtista brasileño nació el 22 de octubre de 1986 en Conceição do Araguaia.

Welliton debutó por primera vez en el equipo brasileño de Goiás. Destaca por haber sido máximo goleador del campeonato de la Liga Premier de Rusia.

En la foto le vemos chutando a la afición uno de los balones que, como novedad, el club vigués celeste ha premiado a los cerca de 300 asistentes.

Luis Enrique había solicitado al club un refuerzo en la parte ofensiva de su equipo. Este nueva incorporación consigue su objetivo. Desde Preferencia Celeste le deseamos a Welliton una etapa en el Celta llena de éxitos y que los últimos metros de terreno en la portería contraria se vean reforzados, consiguiendo la permanencia en la liga BBVA.


Con el fichaje de Welliton la dirección deportiva del Celta cubre una de las demandas de Luis Enrique, quien había solicitado la llegada de un atacante para aumentar la competitividad ofensiva de su equipo. El brasileño es el segundo fichaje en este mercado del conjunto vigués, tras la llegada anterior de Íñigo López.
Con el fichaje de Welliton la dirección deportiva del Celta cubre una de las demandas de Luis Enrique, quien había solicitado la llegada de un atacante para aumentar la competitividad ofensiva de su equipo. El brasileño es el segundo fichaje en este mercado del conjunto vigués, tras la llegada anterior de Íñigo López.
Con el fichaje de Welliton la dirección deportiva del Celta cubre una de las demandas de Luis Enrique, quien había solicitado la llegada de un atacante para aumentar la competitividad ofensiva de su equipo. El brasileño es el segundo fichaje en este mercado del conjunto vigués, tras la llegada anterior de Íñigo López.

viernes, 31 de enero de 2014

Granada - Celta (A previa)

Estadio de Los Cármenes (21:00) | O Granada e o Celta abren a 22 xornada de liga coa necesidade do Granada de puntuar para non caer no foxo do descenso, e a necesidade do Celta de afianzarse na metade da táboa.

O Celta chega con 22 puntos no posto 13 e coa confianza do traballo ben feito no último partido. Chegamos ademáis co aliciente de tentar gañar nun estadio no que nunca gañamos antes.

O Granada chega con 24 puntos no posto 11. Unha victoria do Celta nos colocaría por riba do equipo andaluz.

Podes acompañar a PREFERENCIA CELESTE na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

viernes, 24 de enero de 2014

Celta - Betis (A Previa)

Estadio Municipal de Balaídos (21:00) | Celta e Betis disputarán esta noite un partido a vida e morte pola clasificación de ámbolos dous conxuntos na táboa clasificactoria.

Os sevillanos son derradeiros no taboleiro, e veñen de encaixar unha severa derrota por 0-5 diante do Real Madrid. Gabriel Humberto Calderón debutará como adestrador dos béticos en Balaídos, o terceiro dos andaluces esta tempada.

O Celta (16º) chega a este partido trala súa derrota en Cornellà-El Prat, un partido que tivo controlado 88 minutos, pero que se decantou ó lado dos cataláns tras un despiste defensivo que soubo aproveitar Sergio García, autor do tanto da vitoria dos periquitos. Certo é, tamén, que chega un Celta que leva os últimos partidos xogando "cómodamente" en verbas de Luis Enrique, malias derrotas en Madrid e Barcelona, cun estilo de xogo definido.

Unha vitoria dos celestes, ademais do factor anímico, inclinaría a balanza do lado dos vigueses (quenes foron de gañar no partido de ida no Benito Villamarín) no goal average particular, algo ó que Luis Enrique lle resta importancia nestes momentos, pero que a finais de tempada podería cobrar especial importancia, según recoñeceu onte en rolda de prensa.

CONVOCATORIAS:

RC Celta: Sergio e Yoel; Hugo Mallo, Fontàs, Cabral, David Costas, Aurtenetxe e Jonny; Borja Oubiña, Álex López, Krohn-Dehli, Rafinha e Madinda; Charles, Bermejo, Nolito, Orellana e Santi Mina.

R Betis:  Andersen e Sara; Amaya, Chica, Dídac Vilà, Jordi Figueras, Nacho e Paulao; Cedrick, Juan Carlos, Juanfran, Lorenzo Reyes, Matilla, Nono, Salva Sevilla, Vadillo e Verdú; Jorge Molina, Leo Baptistao e Rubén Castro.

ANTECEDENTES:

Celta e Betis enfrontáronse nun total de 23 ocasións no Municipal de Balaídos, con vantaxe para os de Vigo: 12 vitorias para o Celta, 5 empates e 6 derrotas, no que o Celta anotou un total de  35 goles, por 20 do Real Betis. A vitoria mais abultada para o Celta produciuse na xornada 11 da tempada 1999/2000, no que venceron por 5 goles a 1.

Arbitrará Hernández Hernández, do Comité Canario. Ó Celta só lle arbitrou nunha ocasión na Liga BBVA como local, resultando en vitoria para o Celta.


LEMBRADE que hoxe ás 19:00 haberá RECIBIMENTO CELESTE na rúa Manuel de Castro para recibires como se merecen ós nosos xogadores, e á que estades todos convidados.


Podes acompañar a PREFERENCIA CELESTE onde FAREMOS A PREVIA tralo recibimento celeste e hasta a hora do partido na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!

#RecibimentoCeleste na previa fronte ó #Betis 24/01/14 19:00 #SempreCoCelta

Hoxe Venres 24/01/14 estamos convocados ás 19:00 na Rúa Manuel de Castro para recibir ós nosos xogadores como se merecen ante tan trascendental encontro. Como xa se fixera en anteriores ocasións, hoxe os siareiros marcaremos o paso do noso equipo cara a victoria, antes incluso do asubío inicial do partido.

Cunha victoria celeste sairemos do pozo e deixaremos fóra a un posible rival no remate da tempada.

Porque no celtismo, todos sumamos, #SempreCoCelta!
#SempreCoCelta!
CeltaTV quixo apoiar esta iniciativa cun vídeo no que representantes de diferentes peñas animan a puxar polo Celta cara a victoria.
video 
Vídeo propiedade de CeltaTv dispoñible en http://t.co/2fomnBWKnv

sábado, 18 de enero de 2014

Espanyol - Celta (A Previa)

Cornellà-El Prat (22:00) | Espanyol e Celta enfrontaranse esta noite nun interesante partido nos que os vigueses tentarán conseguir a súa segunda vitoria consecutiva que ratifique as boas sensacións acadadas fronte ó Real Madrid (malia derrota) e Valencia, contra quen foi de darlle a volta ó marcador (2-1) a pasada fin de semana en Balaídos.

Mentres o Espanyol de Aguirre tentará volver os bos resultados tralos tropezóns de Osasuna e Real Madrid, aínda que a vitoria en Copa fronte ó Alcorcón a bo seguro que lle dará confianza ós periquiños. Haberá que prestarlle atención a Stuani, Sergio García e, especialmente, ó colombiano Córdoba. Luis Enrique, pese a mala racha do equipo barcelonés, non cre que pasen apuros no resto da liga e non ve ó Espanyol como rival para conseguir á salvación.

CONVOCATORIAS:

RCD Espanyol: Germán e Casilla; Raúl Rodríguez, Sidnei, Héctor Moreno, Javi López, Víctor Álvarez, Fuentes e Colotto; Víctor Sánchez, Simao, Álex, Abraham e Torje; Stuani, Sergio García, Pizzi e Córdoba

RC Celta: Sergio e Yoel; Hugo Mallo, Fontàs, Aurtenetxe, Jonny, Cabral e David Costas; Oubiña, Álex López, Rafinha, Orellana, Madinda, Krohn-Dehli e Augusto Fernández; Bermejo, Nolito, Charles e Santi Mina.

ANTECEDENTES:

Espanyol e Celta enfrontáronse en Barcelona (no vello Sarrià, no Olímpico de Montjuïc e en Cornellà) en 44 ocasións, con 29 vitorias para os cataláns, 10 empates e só 5 vitorias do Celta. Neses partidos, o Espanyol anotou 87 goles e recibiu do Celta 28. A vitoria mais avultada para o Espanyol foi na xornada 5 da tempada 1955/56, na que lle endosou un contundente 6 a 1.

Arbitrará Pérez Iglesias.

Podes acompañar a PREFERENCIA CELESTE e darlle a calor que necesitan os nosos na nosa sede en CAFETERÍA LAS GRADAS (Avda. Fragoso, 92, fronte ó Estadio -Mapa-).

E como sempre, o de sempre! Ala Celta!

sábado, 11 de enero de 2014

Celta - Valencia (A Previa)

Estadio Municipal de Balaídos (18:00) | Interesante encontro o que disputarán esta tarde de sábado Celta e Valencia no vello Balaídos, na que se presentará ante os de Vigo un Valencia á alza desde que collera as rendas do equipo Pizzi, amigo persoal de Luis Enrique, adestrador celeste.

Este Valencia de Pizzi ocupa a oitava posición e busca asentarse nos postos de Champions. Ven de gañar por dous goles a cero ós seus veciños do Levante.

Mentres, o Celta, que ocupa postos de descenso, chega ó encontro coa moral alta tralo gran partido que fixo no Santiago Bernabéu no que, pese a todo, saiu derrotado por 3-0 fronte ó Real Madrid.

CONVOCATORIAS:

RC CELTA: Sergio e Yoel; Hugo Mallo, Fontàs, Aurtenetxe, Jonny, Cabral e David Costas; Borja Oubiña, Álex López, Rafinha, Krohn-Dehli e Augusto Fernández; Mario Bermejo, Nolito, Charles, Orellana e Santi Mina.
VALENCIA CF: Guaita e Diego Alves; Joao Pereira, Barragán, Víctor Ruiz, Mathieu, Ricardo Costa, Bernat e Guardado; Javi Fuego, Oriol Romeu, Parejo, Feghouli, Piatti, Míchel e Fede Cartabia; Jonas, Paco Alcácer e Helder Postiga.

ANTECEDENTES:

Celta e Valencia enfrontáronse anteriormente en Balaídos en 47 ocasións, gañando os vigueses en 21 ocasións e empatando en outras 15. Os vitorias marcharon á cidade do Turia en outras 11. O Celta marcou 78 goles, mentres que o Valencia o fixo en 59 ocasións.

ÁRBITRO:

Arbitrará González González do colexio Castelán-Leonés. Só arbitrou ó Celta unha vez en Balaídos en Primeira, con resultado de derrota para os de Vigo.


Podes acompañar a PREFERENCIA CELESTE na previa que faremos desde as 17:00 horas (CAFETERÍA LAS GRADAS, Avda Fragoso, 92, fronte ó Estadio -Mapa-).

E como sempre, o de sempre! Ala Celta!